Naghinobra nga kasuko ang nakita nga motibu sa pagpatay sa usa ka babaye nga gilabay sa kasagbutang bahin sa Sitio Buayan, Malandag, Malungon Sarangani Province .
Kini ang gibutyag ni Lt. Col. Edgar Yago, hepe sa Malungon Municipal Police Station human girespondihan ang nakitang patay nga lawas sa babaye nga nakaangkon ug dose ka samad pinusilan sa lawas .
Gikadugang sa Opisyal nga ilang ginasusi ang tinuod pangalan sa nahisgutan human makita ang duha ka ID niini nga nakapangalan nilang Sarita Lagosa ug Farita Elgasan nga residente sa Decca Homes, Calumpang ning dakbayan.
Nakuha ang pangalan sa nasampit tungod sa gihuptan nga ID nga gikan sa Bureau of Correctional sa Maynila.
Gikumpirma ni Yago nga makaduha ka hiogayon na nga gilabayan ug patay nga lawas ang Malungon dihang gilabay kaniadto ang usa ka patay nga lawas sa usa ka lalaki nga hiniktan ang mga kamut ug may higut nga alambre ang liog nga bahin nga gitudlong suspek sa carnapping dinhi sa syudad.
