GENERAL SANTOS CITY – Personal nga miadto sa Bombo Radyo ang usa ka Amahan aron sayron ang mga ilhanan sa lalaki nga nakaplagang wala nay kinabuhi ug napuno sa samad dinunggaban.
Mihangyo kini nga dili panganlan apan gipaniguro nga anak niini kadtong lalaki nga gitagbong sa kasagbutang bahin sa Purok Looc, Kamanga, Maasim.
Misibu ang gihatag niini nga deskripsyon nga 49 anyos ang anak nga gipangita nga adunay patik nga makita sa nagkadaiyang bahin sa lawas.
Kini human nadeskubri sa mga residente sa lugar kagahapon sa kaadlawondihang maiwagan sa flashlight ang lalaki nga nagsul-ob ug puti ug pula nga T-shirt ug puti usab nga shorts.
Sa pagresponde sa scene of crime operatives daghang samad dinunggaba ang naangkon sa biktima maoy hinungdan sa pagkamatay.
Walay ilhanan kon nga identification nga nakuha gikan sa biktima samtang gidala sa usa ka punerarya sa Maasim Sarangani.
Basi sa pagsaysay sa lalaki nga miadangat sa sibyahanan nga gabii na dihang milakaw matud pa ang iyang anak tungod adunay pakigkitaan sa Lagao ning syudad apan wala na kini makabalik pa.
