Viral online ang reklamo sa usa ka customer batok sa usa ka restaurant sa Baguio City human giingong nakit-an niya ang patay nga ilaga sulod sa iyang gi-order nga sinigang nga hipon.
Sumala sa customer, nakainom na siya og sabaw sa sinigang sa wala pa niya namatikdan ang usa ka katingad-an nga sagol nga usa diay ka ilaga diay.
Iyang gipangutana usab ang umano’y kakulang sa aksyon sa mga staff sa kan-anan human sa insidente. Mitubag ang pamunuan sa restaurant pinaagi sa pagpananghid ug pagpangayo og pasaylo sa nahitabo.
Gipahayag usab nila nga ilang tabangan ang customer ug ilang sagpon ang gasto kung magpa-check up kini. Matud usab nga, temporaryong gipasira ang maong restaurant human sa insidente.
Kinahanglan pa kini makakuha og sertipikasyon nga nasunod ang kalimpyo ug safety standards sa dili pa tugotan nga makabalik sa operasyon.
