GENSAN – Gihingusgan ni Kag. Lulu Casabuena nga angayang hatagan ug patas nga pagtagad ang mga kababainhan sa tanang higayun dili sama sa unang panahon.
Matud pa niini, mahinongdanon ang papel sa mga kababaihan sa sosyodad kung asa daghan ang mga pamatuod niini.
Sa pamahayag ni Kag. Casabuena, daghang mga trabaho ang kayang himuon sa mga babaye nga dili kaya sa mga lalaki.
Gikadugang pa sa nasampit nga daghang mga balaud na ang nahimo may kalabutan sa pagprotekta sa mga kababainhan apan wala napatuman.
Gihingusgan ni Kag. Casabuena nga angayang may kabag-uhan nga mahitabo kung asa dili lamang kutob sa paghimo og mga balaud apan aksyon nga himuon.
Sa pamahayag sa nasampit, angayang mas pahugtan pa ang pagduso sa women empowerment kung asa hatagan ug patas nga pagtagad ang mga kababainhan dili lang atul sa Womens Month apan sa katibuk-an.
