GENERAL SANTOS CITY- Mas maayo nga mudiretso na lamang sa Amerika si Pastor Apollo Quibuloy ug atubangon ang kaso.
Matud pa ni Atty. Rey Cartojano, co-anchor sa programang Duralex Sedlex sa Bombo Radyo GenSan nga dili na lisod kang Pastor Quibuloy nga muadto sa Amerika tungod wala kini kaso nga giatubang sa nasud.
Usa kini ka pamaahi aron nga maputol na ang estorya luyo nga gituhuan nga makapiyansa ang religious adviser ni Presidente Rodrigo Duterte.
Kini tungod taas ang proseso kung i-extradite ang nahisgutan tungod muagi pa kini sa Department of Foreign Affairs (DFA) una ipasa sa Department of Justice (DOJ).
Gibutyag usab ni Atty. Cartojano nga may kaso nga dili pwedi i-extradite kung ang kaso may silot nga kamatayon.
Una ng gibutyag sa DOJ nga nasayod ang Federal Bureau of Investigation (FBI) sa gikahimutangan ni Pastor Quibuloy samtang dinhi sa Pilipinas.
