Subling gipamatud-an ni Department of the Interior and Local Government (DILG) Secretary Benhur Abalos nga padayon nilang gukdon ang pugante nga si Pastor Apollo Quiboloy ug bisan ang gipalagpot nga mayor sa Bamban nga si Alice Guo aron manubag sa balaod.
Ang kalihim mihimo sa maong pamahayag atubangan sa mga magbabalaod isip tubag sa interpelasyon ni Kabataan Party-list Rep. Raoul Manuel.
Gipangutana sa magbabalaod kon nganong lisod alang sa mga awtoridad ang pagdakop sa maong dagkong mga indibidwal apan sukwahi kini sa mga gagmay nga tawo.
Punto sa secretary, dako man o gamay nga personalidad dili sila mabalaan ug pangitaon nila.
Gipasigarbo usab niini nga nakapasaka sila og kaso batok sa self appointed son of God human sa gipahigayong raid sa maong dapit.
Si Quiboloy nag-atubang og daghang kaso ilabi na sa paglapas sa Republic Act (RA) No. 7610 o Special Protection of Children Against Abuse, Exploitation, and Discrimination Act, ug bisan sa RA No. 9208 o Qualified Human Trafficking.
Ang korte nipagawas usab og warrant of arrest alang sa mga nahisgutang kaso. Padayon usab nilang gipangita si Alice Guo nga nalambigit sa ilegal nga kalihukan sa POGO dinhi sa nasud .
