Hingpit ng gikansela sa Department of Foreign Affairs (DFA) ang Philippine passport ni dismissed Bamban Mayor Alice Guo.
Sa usa ka pahayag gikumpirma sa DFA nga meepekto ang pagkansela sa pasaporte ni Guo kanaidtong Setyembre 30 niining tuiga human misibu ang iyang biometrics sa Chinese passport holder nga si Guo Hua Ping sa files sa National Bureau of Investigation.
Kahinumduman nga gimando sa Palasyo Malacañang nga kanselahon ang pasaporte ni Guo kauban ang iyang mga igsuon nga silang Wesley ug Shiela ug Cassy Ong nga nalambigit sa gisulong nga POGO hub sa Porac, Pampanga human nga misibat ang mga nahisgutan pagawas sa Pilipinas kaniadtong Hulyo.
Misaad usab ang DFA sa pagpatuman sa seguridad ug integridad sa pag-isyu ug mga PH passport ug gipaniguro sa publiko nga ilang itugyan sa law enforcement agencies ug prosekusyon ang unsa mang ilegal nga aplikasyon ug pagkuha ug mga pasaporte.
Matud pa sa ahensiya nga ipatuman niini ang Zero Tolerance Policy sa mga badlungon nga indibidwal nga ilegal nga miagi sa tukma nga aplikasyon sa pasaporte.
