Pasahero nga miabot sa Bulaong Terminal, gamay lamang kung itandi sa mga miaging tuig atol sa kasaulogan sa kalag-kalag

GENERAL SANTOS CITY – Sukwahi sa mga miaging tuig sa kasaulogan sa kalag-kalag, gamay lang ang mga pasahero sa Bulaong Terminal.

Matud pa ni Raymund Ledesma, Bulaong Terminal Administrator nga may mga factors nga nga nakaapekto nganong naggamay ang mga pasahero.

Gibutyag pa sa nasampit nga opisyal nga usa niini nga basin nakabiyahe na ang uban sa miaging Sabado tungod sa longweekend.

Ingon usab sa uban nga basin nga daghan na ang nakapalit og sakyanan hinungdan nga gamay ang nagsakay sa mga bus.

Hangyo pa niini sa mga pasahero nga magkooperar sa mga patakaran aron nga dili malangay sa pagbiyahe. Luyo niini magpabiling alerto ang Bulaong Terminal alang sa seguridad sa tanan.