GENERAL SANTOS CITY – Gihingusgan ni Atty. Jose Villanueva, assistant regional director sa Comelec 12 nga nahimong extension sa ubang mga pulitiko ang partylist sa kongreso.
Matud pa ni Atty. Villanueva nga ang tumong gayud sa partylist system ang marepresentahan ang marginalized sector sa kongreso apan daghang kaso nga nahitabo nga anak o kaha laing kabanay sa pulitiko ang nominado.
Gikadugang pa niini nga base usab kini sa balaod nga gisunod lamang sa Comelec.
Sumala pa sa nasampit nga opisyal nga anaa usab sa kamot sa mga magbabalaod kung usabon ang maong patakaran .
Una nga gisaway ni Pangulong Rodrigo Duterte ang party-list system, nga giabuso ug gigamit sa mga adunahon aron i-lobby ang interest sa kongreso.
Ang party-list system ang mga walay representasyon nga grupo sa kongreso apan giabuso sa mga adunahan.
