PARIS, FRANCE- Nakapukaw sa nagdilaab nga argumento ang desisyon ni Paris Mayor Anne Hidalgo nga himuong permenente nga parte ang Olympic rings sa Eiffel Tower bisan pa man nga nahuman na ang Summer games.
Matud pa niini nga ang desisyon anaa kaniya ug aduna nay kasabutan sa International Olympic Committee.
Kini nga pahayag misangpot sa pagkaporma sa duha ka managlahi nga mga opinyon diin gisuportahan sa pipila ka mga taga-Paris ang desisyon, samtang ang uban nabalaka nga kini makadaot sa imahe sa French capitals iconic monument.
Ang lima ka ring nga maoy simbolo sa Olympics, gibutang sa Eiffel Tower kaniadtong Hulyo 26, 2024 ug gipaabot nga kuhaon sa Paralympics closing ceremony sa Septiyembre 8.
Apan, gusto ni Hidalgo nga ipabilin ang simbolo tungod kay nagsimbolo kini sa lima ka kontinente.
