GENERAL SANTOS CITY – Mitubag si GenSan City Councilor Jane Rivera human gimahay ni Mayor Lorelie Pacquiao ang kalangan sa pag apruba sa konseho sa Parents Teachers Association (PTA) subsidy fund.
Sa usa ka mensahe sa kanhi chairperson sa committee on education nagbutyag nga dili sila ang mahayon apan ang administrasyon tungod sa kalangay sa pagsumite sa guidelines hinungdan nalangan usab ang pagpanghatag sa PTA subsidy.
Matud ni Konsehal Rivera nga wala gilihok sa executive assistant sa Mayor ang iyang trabaho hinungdan nga naabtan na lamang sa pagtapos sa school year ug gipaapas na lamang sa pagsumit sa Konseho.
Gikadugang pa niini nga naaprubahan na kini sa Local School Board ug aron masiguro nga husto ang giingon girekomenda niini nga tan-awon sa minutes sa meeting sa LSB kung si kinsa ang nagbutyag sa tinuod.
Kahinumduman nga giakusahan sa Mayor nga gilangan ug tulo ka bulan sa pipila ka myembro sa Sanggunian Panlungsod ang pag-apruba sa P53M budget nga nagresulta sa kalangan.
Ang naasoy nga budget ang subsidy sa Parents Teachers Association collection ug uban nga bayrunon niining tuiga.
