Paolo Contis gikumpirmang bulag na sila ni Yen Santos

Gikumpirma sa actor nga si Paolo Contis nga bulag na sila sa girlfriend nga si Yen Santos.

Kini ang unang higayon nga giangkon sa aktor nga single na usab siya human ang pipila ka bulan nga espekulasyon nga bulag na sila ni Yen.

Kaniadtong Mayo gipanas sa actress ang birthday greetings niya sa actor.

Dungan usab niini pulos nag-unfollow ang duha sa tagsa-tagsa nga mga social media.

Kaniadtong Enero 2023 dihang giangkon sa aktor nga aduna silay relasyon ni Yen human nga makit-an sila nga magkauban sa mga pampublikong lugar.