GENERAL SANTOS CITY – Ugdaw na dihang maabtan sa tag-iya ang iyang panimalay human gilamoy sa kalayo Miyerkules sa buntag.
Gibutyag ni Rudy Aspero nga taga Purok Asinan, Buayan ning dakbayan nga nakalimtan niini pag-ibut ang rechargeable flashlight nga gisaksak.
Atoa matud pa Kini sa tulunghaan kay naghatud sa iyang apo dihang gipahibalo nga nagdilaab ang iyang pinuy-anan.
Gikumpirma niini nga sirado ang nahisgutang balay dihang kini migawas gani gibutangan pa niini ug kandado ang pultahan nga bahin.
Gibutyag sa nagpangalan ug Marian Aspero, umagad sa biktima nga ila pang gisulayan ug sablig ug tubig apan kusog na kaayo ang kalayo nga nagresulta gayud sa pagka abu sa tibuok panimalay.
Nagpatabang pa kini sa mga silingan apan wala na gayud matabang.
Samtang mukabat sa otsenta mil pesos ang pagbana-bana sa danyos sa Bureau of Fire protection.
Gibutyag ni SFO3 Allan rey Empemrio nga ila pang sutao kung unsa ang tinuod hinungdan luyo nga giangkon sa tag-iya nga flashlight ang sinugdanan sa kalayo.
Nanawagan pa kini sa publiko nga kanunayon pagsusi kung adunay nakasaksak nga appliances o kaha gamit sa kuryente aron makalikay sa sunog.
_Kini na ang ikaduha nga sunog sa adlaw’ng Miyerkules ug ikatulo sa bulan sa Agusto.
