Panibagong taas presyo sa mga produktong petrolyo epektibo ngayong araw

Magkakasabay na nagpatupad ang mga kumpanya ng langis ng taas presyo sa kanilang mga produkto.

Kaninang ala-6 ng umaga ng ipinatupad ang P0.70 na pagtaas sa kada litro ng gasolina.

Habang ang diesel ay nagtaas ng P1.00 sa kada litro at ang kerosene ay mayroong P0.70 sa kada litro.

Itinuturing na dahilan ng Department of Energy (DOE) na ang tensiyon pa rin sa Gitnang Silangan at ang ipinatupad ang taripa ng US.