Nagpagawas si Presidente Ferdinand “Bongbong” Marcos Jr. ug usa ka executive order nga nagpataas sa minimum access volume (MAV) para sa karne sa baboy karong tuiga ug halos fourfold aron madugangan ang suplay ug makunhuran ang retail prices.
Ubos sa Executive Order 116 nga gipirmahan kaniadtong Mayo 19, 2026, ang MAV sa karne sa baboy misaka gikan sa 54,210 metric tons (MT) ngadto sa 204,210 MT.
Gipunting nga ang padayon nga pagkaylap sa African Swine Fever nakapakunhod pag-ayo sa imbentaryo sa baboy sa nasud, nga miresulta sa “dakong kakulangon sa suplay ug padayon nga pagtaas sa presyo sa baboy.”
Ang mando naghisgot ug dinalian nga panginahanglan aron masulbad ang kasamtangang kakulangon sa suplay sa baboy, masiguro ang igo ug barato nga pagkaon para sa mga konsumidor, ug makunhuran ang mga pressure sa inflation, matod sa Malacañang.
Ang MAV Management Committee (MMC) gimandoan sa pagsiguro nga ang alokasyon sa gidaghanon sa importasyon patas ug nahiuyon sa mosunod: 30,000 Metric Tons para sa mga processor, 120,000 Metric Tons para sa Food Terminal Inc. o sa Kadiwa ng Pangulo Program
Ang MMC gimandoan usab sa paghimo ug pagsagop sa mga giya sa pagpatuman sulod sa 30 ka adlaw gikan sa pagka-epektibo sa EO.
Ang maong executive order ang gipirmahan ni Acting Executive Secretary Ralph Recto ang EO pinaagi sa awtoridad sa Presidente.
