Giklaro sa presidente sa Centerways Construction and Development Inc., usa sa 15 ka construction companies nga nakadaog sa government flood control projects, nga kaugalingong kwarta ang gigasto aron makatabang sa kampanya ni Senate President Francis ‘Chiz’ Escudero.
Atol sa hearing nga gipahigayon sa House of Representatives bahin sa anomaliya sa flood control projects, si Lawrence Lubiano niingon nga P30 milyon gikan sa iyang kaugalingong kwarta ang gihatag isip campaign donation ngadto kang Escudero sa 2022 elections.
Matod pa niya nga walay laing kandidato nga nahatagan og donasyon sa eleksyon.
Giklaro ni Lubiano nga dili gikan sa iyang kompaniya ang kuwarta.
Giangkon usab ni Escudero nga nahimo niyang higala si Lubiano ug giingong usa sa mga nitampo sa kampanya sa 2022 elections.
