GENERAL SANTOS CITY – Posibleng mailisan na ang pangalan sa City Drug Enforcement Unit.
Kini ang gibutyag ni P/Sr/Insp . Fernando MAnuel Jr ang labaw sa CDEU.
Matud sa opisyal, gihulat niya ang kamanduan sa labaw sa General Santos City Police Office sa pagpatuman niini.
Sa iyang pamahayag nga dili pa masulti ang bag-ong pangalan sa bag-ong unit apan gikanayon nga kini usa ka special operations group nga posibleng mag-focus sa anti criminality campaign.
Gibutyag ni Manuel nga kini isip pagsunod sa kamanduan ni Pangulong Rodrigo Duterte nga magatutok sa pagbatuk sa kriminalidad ang kapulisan human nga gitugyan sa PDEA ang pagtutok sa war on drugs.
Hinuon, gibutyag niini nga magpadayon gihapon ang ilang monitoring aron batukan ang iligal nga droga sa dakbayan.
