GENERAL SANTOS CITY – Gihulipan na ang pangalan sa City Anti Illegal Drugs Special Operations Task Group kon CAIDSOT ngadto sa City Drug Enforcement Unit kon CDEU.
Kini human mibalik sa operasyon ang naasoy’ng unit ilawom sa pagdumala ni Police Senior Inspector Oliver Pauya.
Apan giklaro ni S/Insp. Pauya nga bisan ug naundang ang pag-operate sa ilang unit, padayon matud pa nilang gimonitor ang mga indibidwal nga anaa sa ilang drug watchlist.
Ug gani, kahinumduman nga miaging gabii, buena mano nga nasampolan sa ilang pagbalik sa operasyon pinaagi sa Double Barrel Alpha Reloaded, ang suspek nga si Roger Velasquez, 47 anyos, sa sa Bulaong Village, Brgy Labangal ning dakbayan.
Kahinumduman nga positibong napalitan ug iligal nga droga ang nasampit nga lakip nga narekober ang mark money, ug sa karon nakasuhan na ug pagsupak sa RA9165 kon Comprehensive Dangerous Drugs Act of 2002.
