GENERAL SANTOS CITY – Nagkaproblema matud pa ang General Santos City Police Office sa galastuhan sa pagpalit ug krudo sa ilang mga patrol cars.
Kini human giangkon ni City PNP Director Col Nicomedes OLaivar Jr sa usa ka pakighinabi nga dili paigo ang pundo sa kapulisan alang sa pagpalit ug krudo nga gamiton sa mga patrol car sa mga presento. Magpatabang matud pa sila sa LGU aron masolosyunan ang naasoy nga problema .
Gikadugang sa Opisyal nga hilabihan kadako ang ilang bantayanan hinungdan nga gikulang ang suplay nga krudo. Hinuon malaumon si Olaivar nga matubag sa syudad ang ilang problema.
Kahinumduman nga sa miaging mga panahon nagpatabang usab ang kapulisan sa LGU aron mabayaran ang mukapin milyon nga bill sa kuryente human naghatag ug tagal ang provider nga putlan sa kuryente ang tibuok kampo kung dili mabayaran ang ilang utang.
