GENERAL SANTOS CITY – Giatangan sa kadaghanan ang panag-atbangay sa mga maanyag nga Kantidata nga taga Gensan atul sa coronation night sa Miss General Santos 2022 nga kabahin gihapon sa Tuna festival niining tuiga.
Matud ni Ben Claudio sa General Santos City Chamber of Commerce and Industry, Inc.,nga kapartner nila ang Local Government of General Santos City sa maong pasundayag.
Matud ni Claudio nga karon pa lamang daghan na ang gaatang sa maong beauty pageant nga ipahigayon sa KCC events center sa Septembre 18 sa gabii.
Sa labing una nga higayon mag-abut sa maong aktibidad ang mga high caliber nga panel of judges sa pagpanguna ni Miss Shamcey Supsup Lee ang National Director of Miss Universe Philippines Organization ug kanhi 3rd Runner-up Miss Universe 2011, kauban silang Maxine Medina, Miss Universe Philippines 2016, Naa usab si Miss Sophia Senoron, Miss Multinational 2018, actress and Season 97 NCAA host, Miss Thia Thomalis, Miss Eco International 2018 usa usab ka actress, samtang host sa maong programa mao si Benjamen Alves award winning actor ug Mr Christian Bautista , Asias Pop Idol.
Una ng gibutyag ni Claudio nga long month celebration ang Tuna festival karong tuiga.
