Panagatan, nasunog sa kadagatan sa Sarangani

GENERAL SANTOS CITY – Nasunog ang usa ka panagatan sa kadagatan sa Maasim, Sarangani Province.

Nahitabo kini alas 5:00 sa buntag sa Dominggo.

Matud pa ni Apollo Novicio sa LGU Maasim nga ang panagatan ang gipanag-iyahan sa Amadeo Fishing Corporation dinhi sa dakbayan.

Sa dihang nasunog ang panagatan upat ang sakay kung asa usa ang missing nga nailhan nga si Micheal Oyanis kung asa naluwas ang laing tulo.

Sa inisyal nga imbestigasyon, nasuta nga ang tambutso sa panagatan ang nag-overheat hangtud nga nagsiga nga nakaabot sa LPG og kini nagbuto.

Gumikan sa kakusog sa buto nadunggan sa mga residente sa Lumatil og Daliao, Maasim.

Padayon pa ang imbestigasyon sa mga otoridad hangtud karon.