GENSAN – Andam na ang mga pay-per-view nga tan-awanan sa dakbayan sa Heneral Santos alang sa away ni Manny Pacquiao kontra kang Mario Barrios karong adlawa.
Gipahibalo sa lokal nga panggamhanan nga gibutang ang mga screen sa Brgy. Labanagal ug sa Lahao gym ug aduna pud sa pipila ka barangay aron libre nga makatan-aw ang katawhan sa live nga away ni Pacquiao gikan sa MGM Grand Arena sa Las Vegas.
Gilauman nga daghang residente ang motambong aron masaksihan ang pagbabalik ni Pacquiao sa ring ug ipakita ang ilang suporta isip garbo sa dakbayan.
Samtang gina kulba-hinam na si Mommy Dionisia Pacquiao ang inahan sa eight-division world champion tungod sa kahadlok ug kadasig nga iyang gibati samtang nagpaabot sa pagsugod sa duwa.
Gituohan nga nagpadayon ang pag-ampo ni Mommy Dionisia alang sa kaluwasan ug kadaugan sa iyang anak batok sa mas batan-ong si Barrios .
Padayon ang panaghiusa sa mga tawo sa GenSan nga puno sa paglaum ug suporta alang kang Manny sa paningkamot nga madala na usab ang dungog sa nasod sa internasyonal nga entablado sa boksing
