Hugot ang pagpasalamat ni Pinoy gymnast ug double gold medalist Carlos ‘Caloy’ Yulo sa init nga pagsugat kanila ilabina sa suporta ug mga pag-ampo nga ilang nadawat sa bag-ohay lang nahuman sa Paris Olympics 2024.
Sa iyang pagpamulong sa Malakanyang, gipasalamatan ni Yulo ang wala’y paglubad nga suporta sa gobyerno alang kanilang mga atleta.
Dakong tabang matud pa, ang sayong pag bansay sa Philippine Olympic Committee ngadto kanila didto sa Metz rason nga naka-adjust gilayon sila sa klima sa maong nasud.
Iyang gipasalamatan ang mga ka-ubanang atleta sa ilang paningkamot nga makadala og dungog alang sa nasud dayong awhag sa tanan nga mas ayuhon pa ang ilang performance.
Namatikdang wala ma-apil sa pagpasalamat ni Yulo ang iyang pamilya kansa wala usab misugat sa iyang pagpa-uli human sa olimpyada kondiin ka-uban niya sa pagpa-uli ang iyang hinigugmang si Chloe San Jose.
