GENERAL SANTOS CITY – Hugtanong gipanghimakak sa pamilya sa tulo nga napatay sa natigayong shootout sa Diversion Road, Brgy. Katangawan ning siyudad kagahapong adlawa, nga may kalambigitan sa iligal nga droga ang ilang mahal sa kinabuhi.
Kahibaluan nga ang mga namatay giilang sila si Abdul Hakim Udas, 17, usa ka helper; Bernie Aguhar, 62-anyos, harvest coordinator; ug Rahimin Mariano Visaya, pulos mga taga-Polomolok, South Cotabato.
Matud sa misis ni Bernie Aguhar, buutan ug walay bisyo ang iyang bana hinungdan nga imposibleng nalambigit kini sa iligal nga droga.
Samtang hustisya ang singgit sa igsuon sa nasampit, gumikan layo matud pa ang akusasyon sa mga otoridad kang Bernie.
Plano nilang magpasang-at ug kaso aron mahatagan ug hustisya ang pagkamatay sa igsuon.
Kahibaluan nga ang mga nahisgutan ang pulos dead on arrival sa Dr. Jorge Royeca Hospital gumikan sa multiple gunshot wounds nga naangkon.
impormasyon, si Bisaya ang target sa buybust operation ug gikaingong adunay warrant of arrest may kalabutan sa iligal nga droga.
Nasayran nga sakay sa mini sadam truck nga may temporary plate number 20103 dihang natigayon ang shootout.
Kahibaluan usab nga narekober matud pa gikan sa tulo ang 11 ka iligal droga, ug tulo ka armas.
