GENERAL SANTOS CITY – Hustisya ang gipangita sa pamilya ni Elrix Dave Duzon ang hair stylist nga nakaplagang patay sa Baragay Lagao ning syudad.
Kini human miabut sa dakbayan si Delfino Duzon amahan sa biktima aron sa pagkuha sa patay nga lawas sa iyang anak. Pagsaysay sa amahan nga usa ka buotan ug responsable nga anak ang biktima nga miari sa dakbayan aron sa pagpangita ug trabaho.
Samtang ginaproseso ang patay nga lawas sa anak nanawagan kini sa kapulisan nga madakpan ang mga responsable sa pagpatay sa anak.
Sa pakighinabi sa Bombo Radyo kang Jonady Lunanas manager sa Salon nga gitrabahuan sa biktima nga sila mismo ang naglibog kung si kinsa ang gikaingong duha ka lalaki nga pakigkitaan sa biktima kaniadtong martes sa gabii.
Nasayran na lamang niini nga migawas ang biktima human managhid nga adunay pakigkitaan nga mga higala samtang bitbit ang bag ug pitaka.
Ang biktima ang 24 nga molopyo sa Maco Davao de Oro.
