GENSAN – Posibleng walay madawat nga benepisyo gikan sa OWWA ang pamilya ni Veronica Venarao, ang Pinay DH nga namatay didto sa Saudi Arabia, human ma-comatose human mahagbong sa hagdanan.
Kini ang gibutyag sa Bombo Radyo ni OWWA 12 Regional Director Marlyn Jamero, human nahidangat sa ilang buhatan ang pamilya ni Venarao o Cristy Ybanes.
Kini gumikan expired na matud pa ang kontrata ni Venarao o Kristy Ybañez, hinungdan nga gikonsidera nang undocumented nga OFW.
Bisan paman, ilaha matud pang sutaon sa embahada kung nakarenew sa kontrata sa abroad ang nasampit.
Samtang, sutaon usab matud pa sa OWWA ang kamatuoran nganong lahi ang pangalan nga gidala ni Venarao sa pag-apply sa trabaho sa abroad.
Kini gumikan ang pagkadalaga pa niini ang gigamit nga pangalan, ug lahi sa laing mga dokomento nga gigamit.
Hinuon, kwalipikado matud pa ang anak ni Veranao aron mahimong OWWA scholar.
