GENERAL SANTOS CITY – Hustisya ang gisinggit sa pamilya ni Jimmy Cagabhi-on, 45 anyos, negosyante sa kamatayon sa ilang mahal sa kinabuhi.
Matud pa sa asawa nga si Rosalinda nga may kasosyo sa negosyo ang bana kaniadto nga wala na miuban sa biktima human nagsabot nga mag-iyahay na lamang ug negosyo.
Samtang sa pamahayag ni Police Major Patrich Elma, chief of police sa Pendatun Police station nga may person of interest na sila sa pagpusil patay kang Cagabhi-on, nga taga Purok Fatima, Barangay Dadiangas West.
Nasayran nga ang biktima ang gabaligya og ata sa nokos .
Sa imbestigasyon sa kapulisan nga samtang gahigda ang biktima sa ilang balay miabot ang suspek nga nangita kang Cagabhi-on.
Misulod ang suspek sa gikahimutangan sa biktima ug gipusil sa makadaghan nga higayon nga nagresulta sa hinanaling kamatayon.
Gibutyag nga onse ka buto sa armas ang nadunggan.
Sa kasamtangan mas gipalawman sa kapulisan ang imbestigasyon sa kaso aron mailhan sa hingpit ang suspek, dayon kasuhan og maaresto.
