Pamilya sa namatay nga BHW makadawat og hinabang

GENERAL SANTOS CITY – Andam muhatag og hinabang ang City Mayors Office ngadto sa pamilya sa namatay nga Barangay Health Worker nga taga Barangay Dadiangas South ning syudad.

Sa pakighinabi sa Bombo Radyo GenSan, gibutyag ni Kapitan Rock Garay nga ginatuki pa ang pwedeng madawat sa pamilya sa nasampit nga frontliner ilawom sa Bayanihan Act kung asa ilaha nang ginaproseso.

Samtang makabenepisyo usab ang napatay nga BHW sa “No Billing Balance” sa hospital dihang nasulod kini sa tambalanan dihang nasakit tungod sa Covid-19.

Nagpasalamat sa syudad sa gilayong pagsiguro nga mutabang human nga gipahibalo ang nadangatan sa nasampit nga BHW.