Desido matod pa ang pamilya sa biktimang si Reynaldo Bungga nga mopasaka ug kaso batok sa suspek nga giilang si alyas Diboy, kana ang nahimong pahayag ni PMaj. Lemuel Enrijo ang hepe sa Mabuhay Police Station.
Matod pa ni PMaj. Enrijo nga gikan na ug piskalya ang iyang investigator on case aron nga i-follow up ug pasakahan na ug kaso ang suspek nga nipatay sa biktima, ingon man ila na usab ginahulat ang result sa autopsy.
Saysay usab sa opisyal nga ang maong kaso ang lakip sa isolated case.
Kahibaluan nga kaniadtong Mayo 15, alas 7:51 sa buntag sa Purok Sineguelas, Barangay Olympog, ning syudad nakaplagan ang patayng lawas sa biktima sa kilid sa sapa nga dunay samad saiyang liog nga parte saiyang lawas.
Dugang pa nga ang biktima ug ang suspek ang ulahing nakita sa witness nga nag-inom. Gitouhan usab nga nagtago matod pa ang suspek sa bahin sa Sarangani Province.
