GENERAL SANTOS CITY – Giangkon ni Sen. Manny Pacquiao nga ang ika-39 nga adlawng natawhan ang pinakamalipayong pagsaulog sa tanan niyang birthday.
Matud pa sa senador, kini gumikan anaa ang iyang espesyal nga bisita nga si Pangulong Rodrigo Duterte nga kung kahinumduman mitambong usab sa birthday ni Pacman miaging tuig.
Gidayeg sa Pangulo ang Pambansang Kamao nga usa ka maayong ehemplo sa tanan.
Gani, gidayeg pa ni Digong si Pacman tungod nagsilbi kining inspirasyon sa daghang Pilipino.
Samtang, bisag wala pa nahistoryahan sa pamilya apan suportado ni Mommy D ang iyang anak human ang pahayag ni Pangulong Duterte nga gusto niining himuong pangulo sa nasud.
Nalipay si Jinkee Pacquiao sa pahayag sa pangulo nga alang sa mga nanambong nga bisita nga daw pag-indorso na kay Pacman nga mahimong presidente sa nasud.
