Pipila sa mga sakop sa pamilya ni kanhi Presidente Rodrigo Duterte ang mubyahe sa The Hague, Netherlands aron sa pagsaulog sa iyang ika-80 nga adlawng natawhan karong Marso 28, sumala ni Vice President Sara Duterte .
Matod ni VP Sara, moabot ang common law wife ni Duterte nga si Honeylet Avanceña ug ilang anak nga si Veronica ‘Kitty’ Duterte .
Ang inahan ni VP Sara nga si si Elizabeth Zimmerman, moabot sa susamang adlaw, sa adlaw nga natawhan sa kanhi presidente. May plano usab si Davao Rep . Paolo Duterte nga moadto sa The Hague.
Apan si VP Sara niingon nga wa pa siya makompirma kon aduna ba siyay visa. Sa laing bahin, dili molarga si Davao City Mayor Sebastian ‘Baste’ Duterte tungod sa umaabot nga midterm elections.
Kasamtangang gikustodiya sa International Criminal Court (ICC) si kanhi Presidente Duterte tungod sa giingong kasong crimes against humanity nga may kalabotan sa kampanya sa war on drugs ubos sa iyang administrasyon.
