Mitapos isip 1st Runner-Up ang Miss Philippines Chelsea Fernandez sa Miss Cosmo 2025 Grand Finale & Beauty Music Festival nga gipahigayon niadtong Sabado sa Ho Chi Minh City, Vietnam.
Ang korona sa Miss Cosmo 2025 nakuha sa Miss USA nga si Yolina Lindquist, samtang ikaduhang puwesto si Fernandez taliwala sa daghang kandidata gikan sa lain-laing nasod.
Nadugang pa sa kalampusan ni Fernandez ang pagkadaog niya sa Cosmo People’s Choice Award human siya makatigom og kapin sa 28.3 milyon ka online votes, nga nagpakita sa dakong suporta sa iyang mga fans, ilabi na ang mga Pilipino.
Sa coronation night, mibida ug nakaagaw og atensyon si Fernandez sa iyang bejeweled evening gown nga adunay sheer cape, nga mitugpa og kusog nga palakpak gikan sa audience.
Padayon ang pagdayeg sa mga Pilipino kang Chelsea Fernandez tungod sa iyang husay ug maayong pagrepresentar sa Pilipinas sa international beauty pageant.
