-- ADVERTISEMENT --
Nagpasidaan ang Public Safety Office (PSO) sa dakbayan sa Heneral Santos nga patas-an ang minimum fare sa tricycle, sumala sa gihisgutan sa mga transport group ug konsehal sa dakbayan atol sa Committee on Transportation Hearing.
Matud ni Councilor Dominador Lagare III, gikan sa P15.00 himoon na nga P20.00 ang presyo sa pamasahe sa unang 4 kilometro, samtang dugang P1.50 kada kilometro ang bayad sa sobra nga distansya.
Magpabilin gihapon ang 20% nga diskwento alang sa mga PWD, mabdos, ug senior citizen.
Ang pagtaas sa pamasahe nasang-at isip tubag sa sunod-sunod nga pagtaas sa presyo sa gasolina ug aron matabangan ang mga tricycle driver nga naapektuhan sa mahal nga fuel cost.
