Nahimong usa ka dautan nga damgo ang operasyon sa usa ka ospital sa Austria alang sa usa ka 82 anyos nga apohan human nga nagpa opera apan sayop nga tiil ang naputol.
Matud sa Freistadt Clinic, nga ‘human error’ ang nahitabo diin imbes ang wala nga batiis ang angay putlon, ang tuo nga bitiis sa pasyente ang naputol.
Diha na lang nahibaw-an ang sayop dihang ang bendahe maoy nag-ilis sa samad sa naputol nga batiis.
Matud sa tambalanan, nga ang sayop nga batiis mamarkahan nga kinahanglang putlon.
Ang pamunoan niini misaad nga imbestigahan ang insidente ug susihon ang palisiya niini.
Ug arun maminusan ang epekto niini ang mental well-being sa pasyente, hinungdan nga nagtanyag og psychological assistance ang ospital ngadto sa pasyente.
Giingong adunay sakit ang apohan nga nakaapekto sa iyang wala nga batiis hinungdan nga kinahanglan kining putlon, apan wala damha nga maputol ang duha ka batiis niini.
Human sa nahitabo, kinahanglang operahan na usab ang pasyente arun putlon ang paa nga naapektuhan sa sakit.
