-- ADVERTISEMENT --
Gikumpirma sa Malacañang nga magpadayon ang pagpatuman sa ₱85 nga umento sa minimum nga suweldo alang sa mga minimum wage earner sa Metro Manila, bisan pa sa panawagan sa pipila ka grupo sa mga negosyante nga ipalangan kini.
Matod ni Palace Press Officer Claire Castro, wala’y plano ang gobyerno nga suspindihon o ihunong ang pagpatuman sa wage increase. “Wala pong suspension. Wala pong paghinto po rito. Tuloy-tuloy po ito,” matod ni Castro.
Ang ₱85 nga umento ipatuman sa duha ka hugna. Ang unang ₱60 magsugod sa Hulyo 25, samtang ang nahibiling ₱25 ipatuman sa Enero 20, 2027.
