Angay imbestigahan ang taho nga adunay 1,183 ka mga pagpatay nga may kalabutan sa droga ubos sa kasamtangang administrasyon
Mao kini ang tubag ni Palace Press Officer Atty. Claire Castro sa gipagawas nga report sa “Dahad Project”, diin adunay mga tawo nga giingong gipatay tungod sa ilegal nga droga.
Sumala ni Castro, kung adunay ebidensya, kinahanglan kini imbestigahan tungod kay matod niya nga dili gusto ni Presidente Ferdinand Marcos Jr. nga ang iyang administrasyon mamantsahan sa mga pagpatay.
Matod niya nga dili kinahanglan nga maghulat nga ang Presidente mopagawas og mando tungod kay trabaho sa mga awtoridad ang pag-imbestiga ug pagpanubag sa mga responsable.
Gipasiugda ni Castro nga dili gusto ni Presidente Marcos Jr. nga adunay dugo nga moagas tungod kay ang extrajudicial killings dili iyang kabilin, apan kinahanglan sundon ang due process.
Matod niya nga ang akusado dili kinahanglan nga patyon tungod kay ang pulong nga death penalty wala sa Konstitusyon ug wala kini gipatuman sa nasud.
