-- ADVERTISEMENT --
Gibuksan na usab sa Philippine Airlines ang mga biyahe niini paingon sa Middle East sugod kagahapon adlawa, Hunyo 25, human temporaryong gikansela ang mga biyahe tungod sa tensyon tali sa Iran ug Israel.
Lakip sa mga naapektuhan nga mga flight mao ang mga flight sa Doha, Dubai ug Riyadh, pagkahuman sa pag-atake sa Iran sa Al Udeid airbase sa Qatar ug ang temporaryo nga pagsira sa airspace sa rehiyon.
Matod sa PAL, ang mga apektadong pasahero mahimong mag-rebook sa ilang mga biyahe sulod sa 60 ka adlaw, mag-convert niini ngadto sa travel credits, o mohangyo og refund nga walay silot gawas lang sa service charge.
Gipahinumdoman usab sa PAL ang mga pasahero nga kanunay nga susihon ang kahimtang sa paglupad sa dili pa moadto sa airport.
