Abala karon ang Pakistan sa pagpangandam aron mahimong host sa peace talks tali sa Estados Unidos ug Iran taliwala sa nagkagrabeng tensyon sa Middle East.
Sumala kang Ishaq Dar, adunay na pagbayloay og mensahe ang duha ka nasud nga giagi sa Islamabad, ug abri ang Pakistan nga mahimong neutral nga lugar alang sa direktang panag-istoryahanay.
Gisupurtahan kini nga inisyatiba sa Egypt, Saudi Arabia, Turkiye, China ug sa United Nations aron malikayan ang pagkagrabe sa panagbangi.
Samtang nagpadayon ang diplomatikong lihok, nagpabiling kritikal ang Tehran ug nag-akusar nga adunay plano ang Washington alang sa ground assault, samtang ang US miingon nga adunay “productive conversations” apan wala pa’y klarong commitment.
Bisan pa sa suporta gikan sa rehiyon, dako gihapon ang hagit tungod sa lawom nga kakulang sa pagsalig tali sa duha ka nasud. Nakasalig sa mosunod nga mga semana kung magmalampuson ba ang diplomasya o mapadayon lamang kini sa mga pahayag.
