Gikumpirma sa retired boxing champion nga si Floyd Mayweather Jr. nga ang ilang rematch ni Manny Pacquiao usa lamang ka exhibition fight.
Matud niya, hangtod karon wala pa ma-finalize ang venue sa maong panagsangka.
Gipakaminos lamang ni Mayweather, nga 49-anyos na, ang maong panagsangk bisan pa daghan ang nangandoy niini, ug iyang gipaklaro nga exhibition ra kini busa dili maapektuhan ang ilang boxing records.
Dugang pa, gawas kang Pacquiao, adunay lain pang mga exhibition fights si Mayweather lakip ang kontra niya ang kanhing heavyweight champion nga si Mike Tyson ug ang kickboxer nga si Mike Zambidis.
Gisugdan na usab niya ang pipila ka pagbansay alang sa maong mga boxing match. Mahinumduman nga napildi ni Mayweather si Pacquiao sa ilang unang panagsangka 11 ka tuig na ang milabay.
