GENERAL SANTOS CITY – ‘Betrayal of public trust” ang gihimo ni Police Supt. Maria Cristina Nobleza sa pakigrelasyon sa Abu Sayyaf member nga si Reneer Lou Dongon.
Kini ang gibutyag ni Kagawad Lulu Casabuena kalabot sa kaso sa maong opisyal ilabi na nga aduna kiniy taas nga posisyon sa PNP. Dismayado si Kag. Casabuena sa nahitabo bisan pa nga klaro nga tungod sa gugma nganong nahimo ni Nobleza ang pakigrelasyon sa usa ka miyembro sa ASG.
Apan dili kini ang angayang ‘attitude’ kon kinaiya ni Nobleza inay unta giuna ang paghigugma sa nasud tungod anaa kini sa han-ay sa PNP.
Sumala pa sa konsehala nga unta nagsakripisyo na lamang si Nobleza sa iyang gugma og gipili ang nasud og ang kaayuhan sa katibuk-ang katawhan.
Sa pahayag ni Kag. Casabuena nga klarong pagtraydor sa nasud ang gihimo ni Nobleza.
Kahibaluan nga giproseso na ang pagpalagpot kay Nobleza nga kasamtangang nabilanggo sa PNP Custodial Center sa Camp CRame.
