Paigo nga buffer stock sa panahon sa El Nino, gisiguro sa NFA

Kampante ang National Food Authority nga paigo ang volume sa bugas sa nasud bisan sa gipaabot nga El Nino.

Base sa datus sa ahensya, adunay 3.3 million ka sako sa bugas ang napalit sa ahensya ug magamit sa bisan unsang panginahanglanon.

Mas taas usab kini kon itandi sa 3.08 million nga procurement target sa ahensya.

Ang gidaghanon karon, matod niya, mosaka gyud dungan sa pagpadayon sa ilang procurement activity sa panahon sa ting-ani sa Septiyembre ug Oktubre.

Matod sa Department of Agriculture, target nila nga makapalit og kinatibuk-ang 3.64 million metriko tonelada nga bugas isip kinatibuk-ang imbentaryo sa dili pa matapos ang kasamtangang tuig.