GENERAL SANTOS CITY – Padayon ang pag-awhag sa Comelec ngadto sa katawhan nga pahimuslan ang higayon sa voters registration hangtud sa bulan sa Septiembre 30, 2019.
Matud pa kang Atty. April Mitchor-Miguel, gawas sa ilang opisina nga nahimutang sa 3nd floor sa may Barangay Hall sa West ning syudad, may registration usab nga gipahigayon ang Comelec sa mga mall, tulunghaan og sa mga barangay.
Sa ilang schedule, sa Setyembre 2 matigayon ang registration sa Seniors Citizens Office, Sept 3 sa Brgy Upper Labay, Sept. 4-5 sa Comelec Office, Sept 6 sa Brgy Lagao, Sept 7 alang lang sa mga batan-on, Sept 9 sa Comelec Office, Sept 10 sa NDDU, Sept. 11 sa Comelec Office, Sept 12 sa Brgy. Apopong, Sept 13 sa Barangay Mabuhay, Sept. 14 sa SM, Sept 16 sa Comelec office, sa Sept 17 sa Brgy. Tambler, Sept 18 sa Brgy. Conel, Sept. 19 sa Comelec Office, Sept 20 sa Brgy. Bula, Sept 21 sa SM, Sept 23-27 sa Robinsons Place, Sept 28 sa SM ug Sept 30 sa Robinsons.
Ang nagprehistro karon ang dili makaboto sa October 26 special elections alang sa pagka-kongresista sa una og ikatulong distrito sa South Cotabato.
Makaboto sila sa May 2020 SK and Barangay Elections.
