GENERAL SANTOS CITY – Imbitado ang Environment Conservation and Protection Center (ECPC) sa matigayong Asian Raptors Conservation Network Symposium sa Bali, Indonesia karong Oktobre 10 hangtud 12, 2019 aron ipresenta ang ilang pagtuon kalabutan sa raptors sa Glan, Sarangani Province.
Matud pa kang ECPC Executive Director Cornelio Martinez nga sulod na sa ilang tulo ka tuig nga pagtuon sa mga raptors sa Raptor Hills, Rio del Pilar, Glan, Sarangani Province ilang ipresenta.
Sa iyang pamahayag nga excited ang laing mga nasud nga masayran ang resulta sa ilang pagtuon. Ang maong international symposium ang tambungan sa mga representante gikan sa USA, Latin America, Southeast Asia laing mga nasud sa Asya lakip na sa Yuropa.
Sa pamahayag ni Cornelio nga kadagsa ang mga raptors sugod sa katapusan sa Septiembre hangtud sa bulan sa Oktobre.
Kini gumikan ang Rio del Pilar og ang kasikbit nga dapit ang may kalasangan pa partikular sa Mount Gulo.
Gibutyag pa ni Cornelio nga 45 ka adlaw ang pagtinir sa Raptors.Sulod sa tulo ka tuig ang nakalabay ilang natutukan ang gidaghanon sa mga Raptors.
Sa tuig 2016 anaa sa 78,000, 2017 anaa sa 130,00 og sa tuig 2018- anaa sa 105,000 ang mga raptors base sa ilang pag-ihap.
Ang Philippine eagle ang lakip usab sa pamilya sa raptor.Gibutyag nga anaa sa usa hangtud sa usa hangtud sa duha ka kilo ang raptor.
