GENERAL SANTOS CITY – Nagtuo si Atty. Rey Cartojano ang co-Anchor sa programa nga Duralex Cedlex nga gi maximize pag-ayo sa kampo ni Pastor Apollo Quiboloy ang mga paagi hinungdan nga padayon kini nag nagtago.
Imbes matud pa magsurender iyang gipalihok ang iyang mga abogado luyo nga gitambagan ni Pangulo Marcos Jr. nga gamiton ang mga paagi aron atubangon ang iyang kaso.
Kini human nagpagawas ug mga kundisyon si Pastor Quiboloy sa gobyerno mga ahensiya sa gobyerno ug mismo kang Pangulo Ferdinand Marcos Jr.
Usa sa nakita ni Atty. Cartojano nga nahadlok si Quiboloy nga muapil ang gobyerno sa Amerika luyo nga pwedi siya nga musumite sa iyang kaugalingon alang sa legal process.
Usa pa sa nakita nga rason nganong wala mugawas ang lider sa simbahan tungod sa bag-o niini nga warrant of arrest nga gipagawas sa Pasig RTC nga non bailable tungod sigurado gayud nga mabutang sa selda.
Kasamtangan nagpakahilum ang nahisgutan nga usa ka maayong paagi samtang ang iyang mga abogado lamang ang muhatag ug pahayag alang sa ilang kliyente.
