GENERAL SANTOS CITY -Nahimong “barrier’ kun babag sa ginahimo sa DOH nga kampanya kontra sakit nga polio ang relihiyon og kultura.
Matud pa ni Dr. Lalaine Calonzo, adunay pipila ka ginikanan nga dili buot pabakunahan ang ilang anak sa bakuna aron malikay sa pag-angkon og polio tungod sa maong rason.
Bisan sa paningkamot nila nga ipasabot ang importansya sa polio vaccine apan dili mapugos nga mabakunahan ang bata.
Samtang sa pakighinabi sa Bomboradyo, gibutyag ni Dr. Edvir Jane Montañer, Expanded Program on Immunization Coordinator nga masunod ang mga minimum health standards aron masiguro nga luwas gihapon sa CoVid-19 ang mga bata og ginikanan atol sa ipahigayong pagbakuna.
May facemask og faceshields nga ihatag ang ilang opisina sa mga vaccination team. Kahibaluan nga sa GenSan kapin sa 75,000 ka bata ang target nga mabakunahan.
Ang Sabayang Patak Kontra Polio ang matigayon sa Hulyo 20 hangtod Agosto 2 niining tuiga kung asa bakunahan ang mga bata singko anyos paubos ang pangidaron og may edad nga 0-59 nga bulan.
Bakunahan gihapon ang mga mga nabakunahan na kaniadto nga anaa sa singko anyos na karon.
