GENERAL SANTOS CITY – Subling Gimando ni PBGEN Jimili L. Macaraeg, Regional Director sa PRO12 sa mga kapulisan ning Rehiyon 12 nga badlungon ug dakpon ang bisan kinsa nga sibilyan o dili awtorisado nga indibidwal nga masakpan sa akto nga nagsul-ob og uniporme sa PNP.
Nanawagan usab kini sa publiko nga i-report ang mga sibilyan nga poser sa social media nga gagamit ang uniporme sa kapulisan.
Lakip usab sa gibawal nga souton sa mga sibilyan ang niuso karun sa mga online shop o lain pang mga tindahan mao ang bomber jacket nga dunay logo sa PNP diin pwde kining mahimong pang ilad sa katawhan nga sila miyembro sa kapulisan.
Samtang gipahimangnoan pag usab sa nsampit nga opisyal ang publiko batok sa paggamit sa maong mga uniporme alang sa ilang content sa social media, ilabina sa mga nagkadaiyang social media platform.
Ang mga sad-an mahimong mapasakaan og kaso ilawom sa RA 3815, Article 179 sa Revised Penal Code kon Illegal Use of Uniforms or Insignia, nga nagsilot sa bisan kinsang indibidwal nga mag sul-ob ug uniporme o mugamit sa insignias sa publiko bisan nga dli kini miyembro sa organisasyon sa kapulisan o militar.
Lakip na ang kaso sa paglapas sa Article 177 sa Revised Penal Code kon Usurpation of Official Functions.
