-- ADVERTISEMENT --
GENERAL SANTOS CITY – Gawas sa natigayong pagpamomba sa Cotabato City kaniadtong Disyembre 31, nahimong hapsay ug malinawon ang pagsugat sa Bag-ong Tuig sa Rehiyon 12.
Kini ang gibutyag ni Police Supt. Aldrin Gonzales, tigpamaba sa PRO-12, sa pakighinabi sa Bombo Radyo.
Sumala pa nga wala nay laing dagko nga insidente nga nahitabo, samtang padayon usab ang ginahimong imbestigasyon alang sa pagtumbok sa ilhanan sa responsable sa naasoy’ng pagpangatake.
Gumikan usab niini, gimando matud pa ni Gen. Eliseo Tam Rasco, PRO-12 regional director tanang kapulisan sa Region 12, nga mas pahugtan pa gyud ang pagbantay sa seguridad aron dili masubli ang susamang insidente.
