GENERAL SANTOS CITY – Usa ka welcome development ang pag-apruba sa committtee level sa sugyot nga idelatar ang Barangay ug Sangguniang KAbataan elections.
Sumala pa ni Kapitan Rock Garay nga maayo ang maong lakang gumikan mapadayon pa sa mga incumbent officials ang ilang mga proyekto nga nasugdan ug dili maputol kung mahinayon ang piniliay sa tuig 2020.
Usa usab kini ka paagi aron mapakita pa sa mga opisyales ang ilang katakos sa pagpalambo sa barangay.
Samtang alang usab kay Fatima Punong Barangay Reynante Curit nga usa ka oportunidad ang pagdelatar sa piniliay gumikan mas mahatag pa ang commitment ngadto sa katawhan.
Hinuon bisan usa ka tuig pa lang kini sa pwesto halos naapsan na matud pa niini ang ubang dugay na nga naglingkod sa pwesto sa pagpatuman sa mga infra projects ug social services.
Nasayran nga sa pagdungog sa komite niadtong martes sa hapon, nadesisyunan nga ipahigayon na lamang ang eleksyon sa ikaduhang Lunes sa Mayo 2023.
