GENERAL SANTOS CITY – Gihingusgan ni Atty Luis Salazar, inilang abugado sa dakbayan, nga ngil-ad ug unecessary ang nahimong pagsaway ni Pangulong Rodrigo Duterte sa Diyos ug pagtawag ug stupid.
Sa pakighinabi sa Bombo Radyo, gihingusgan ni Atty Salazar nga dili pastor ang pangulo ug dili usab kadto usa ka religious event, hinungdan nga walay rason nganong naghisgot sa maong topiko.
Sumala pa nga angayan untang respituhon ang mga relihiyon ug tinuuhan sa matag tawo.
Dugang pa ni Atty Salazar, dili basta-bastang kalabanon ang simbahan, sama nga si anhing Cardinal Sin nga maoy usa sa mga nakapatangtang kang kanhing Pangulong Ferdinand Marcos kaniadto.
Gumikan matud pa sa nahimong pahayag ni Pangulong Duterte, nawala ang dignidad sa iyang opisina, apil na ang iyang pagkatawo.
Gikontra usab ni Atty Salazar ang nahimong depensa sa Malacanang sa pahayag sa pangulo, nga matud pa freedom of speech ug religion.
Sumala pa nga ang gihimo ni Pangulong Duterte ang dili kritisismo inay insulto sa Diyos.
Bisan paman, alang kang Atty Salazar, gatuo siya nga dili na matambalan ang maong batasan ug kinaiya sa pangulo gumikan mao na gayud siya, nga kon unsa ang mahuna-hunaan, magpataka lang ug istorya.
Hinungdan ang labing maayong himuon matud pa nga angayang i-ampo na lang si Pangulong Duterte.
