GENERAL SANTOS CITY – Ubay-ubay nga mga aktibidad ang ipahigayon sa Department of Labor and Employment kon DOLE atol sa ika-119 nga anibersaryo sa Labor Day ugmang adlawa.
Matud pa ni Conrado Artates sa DOLE Gensan, lakip niini ang 2021 Labor Day Expanded Trabaho, Negosyo, Kabuhayan, Job and Business Fair sa kooperasyon sa nagkadaiyang mga ahensya sa gobyerno sama sa DTI, TEDA ug uban pa.
Gibutyag sa opisyal na dili na sama kaniadto ang pagsaulog sa Labor Day nga masaksihan og mahimong mupartisipar ang mga tawo apan ning tuiga, himoong virtual na lamang ang Job and Business Fair tungod sa pandemya nga atong nasinatian.
Mahimong mag-log in sa www.vantagehunt.com alang sa maong aktibidad kung asa ang tema ning tuiga mao ang “Mayo uno sa Bagong Panahon Manggagawa at Mamamayan Babangon Susulong.”
Kahibaluan nga matag Labor Day daghan ang protesta nga gipahigayon kung asa kasagaran sa ginasinggit sa mga mamumuo ang implementasyon sa dugang suhulan.
